സ്വകാര്യബസ്സുകള് അകാരണമായി ട്രിപ്പ് മുടക്കുന്നതിനാല്
വൈക്കം-ടി.വി.പുരം റൂട്ടില് യാത്രാക്ലേശം രൂക്ഷമായി. 12 സ്വകാര്യബസ്സുകളും
ഒരു കെ.എസ്.ആര്.ടി.സി. ബസ്സും ഇതിലെ ഓടുന്നുണ്ട്. ജനങ്ങള്
തിങ്ങിപ്പാര്ക്കുന്ന മേഖലയിലെ സാധാരണക്കാര്ക്കും തൊഴിലാളികള്,
വിദ്യാര്ഥികള് എന്നിവര്ക്കും നഗരത്തിലെത്താന് ബസ് സര്വീസാണ് ആശ്രയം.
സ്വകാര്യബസ്സുകള് ട്രിപ്പ് മുടക്കുന്നത് പ്രദേശവാസികളെ ഏറെ
വിഷമത്തിലാക്കി. കെ.എസ്.ആര്.ടി.സി. ബസ്സും രാവിലെ ഒരു ട്രിപ്പാണ്
ഓടുന്നത്. ട്രിപ്പ് മുടക്കുന്ന സ്വകാര്യബസ്സുകള്ക്കെതിരെ നടപടി
എടുക്കണമെന്നും കെ.എസ്.ആര്.ടി.സി. ബസ്സര്വീസുകളുടെ എണ്ണം
വര്ധിപ്പിക്കണമെന്നും നാട്ടുകാര് ആവശ്യപ്പെട്ടു.